विशेष प्रतिनिधी/अजित परबत- माढा तालुक्यातील दारफळ-सिना येथील केदार प्रकाश बारबोले यांचे स्पर्धा परीक्षेत उत्तुंग यश.

महाराष्ट्र राज्य लोकसेवा आयोगाच्या वतीने  एप्रिल २०२१ मध्ये घेण्यात आलेल्या स्पर्धा परिक्षेत माढा तालुक्यातील -दारफळ सिना येथील केदार प्रकाश बारबोले यांनी ९०० पैकी ५३३ गुण मिळवत राज्यात ९६ वा क्रमांक पटकावला आहे त्याची सहाय्यक निबंधक सहकारी संस्था वर्ग -२ पदी निवड झाली आहे. केदार बारबोले यांचे प्राथमिक शिक्षण जिल्हा परिषद शाळा व माध्यमिक शिक्षण नवभारत विद्यालय दारफळ सिना येथे झाले त्यांनी सांगली येथील वालचंद इंजिनिअरिंग कॉलेजमधून मेकॅनिकल इंजिनिअरिंगची पदवी घेतली. सन २००८ साली वडिलांचे आकस्मिक निधन झाल्यानंतर आईने मोठ्या कष्टाने प्रतिकुल परिस्थितीवर मात करीत मुलाचे शिक्षण पूर्ण करत त्याला स्पर्धा परिक्षेची तयारी करण्यासाठी प्रोत्साहन व प्रेरणा दिली व तसेच सर्व मित्र मंडळ व गावकऱ्यांनी त्याचा सत्कार करून त्याचे स्वागत केले.