मोहोळ तालुका प्रतिनिधी/ संभाजी वागज - चि. अवधूत बबनराव भांगिरे यास कास्यपदक.

दिनांक 25 ते 28 मे रोजी (काठमांडू )नेपाळ येथे सुरू असलेल्या आंतरराष्ट्रीय कराटे स्पर्धेमध्ये *माध्यमिक विद्यालय शेटफळ,ता.मोहोळचा* खेळाडू चि. *अवधूत बबनराव भांगिरे* याने 60 किलो वजनी गटांमध्ये 17 वर्षाखालील वयोगटांमध्ये कांस्य पदक पटकावले.

या स्पर्धेसाठी अकरा देशाने सहभाग घेतला होता. या स्पर्धेमध्ये सुमारे 1600  स्पर्धकांनी सहभाग घेतला होता या स्पर्धेमध्ये फायनलमध्ये नेपाळ च्या खेळाडू ला हरवत *अवधूत बबनराव भांगिरे* याने  *कांस्यपदकावर* आपले नाव कोरले, या स्पर्धा स्पोर्टस अथोरिटी ऑफ  नेपाळ ,नेपाळ खेळ महासंघ यांच्या संयुक्त विद्यमाने घेण्यात आल्या होत्या.या यशस्वी खेळाडूंचे सोलापूर जिल्हा परिषदेचे अर्थ व बांधकाम समितीचे सभापती मा.विजयराज दादा डोंगरे, संस्थापक अध्यक्ष मा. मनोहर भाऊ डोंगरे,व कनिष्ठ महाविद्यालयाचे प्राचार्य इंगळे सर यांनी अभिनंदन केले.या यशस्वी खेळाडूंना मार्गदर्शन श्री.श्रीकांत पुजारी सर यांचे लाभले.