सोलापूर जिल्हा प्रतिनिधी/ सतिश निंबाळकर - मोडनिंब येथील प्रसिध्द बांबू व्यावसायिक विलास मुरलीधर सुरवसे यांचे निधन.

सोलापूर जिल्हा प्रतिनिधी/ सतिश निंबाळकर - मोडनिंब येथील विलास मुरलीधर सुरवसे यांचे निधन- याबाबत वृत्त असे की मोडनिंब येथील प्रसिध्द बांबू व्यावसायिक व महाराष्ट्र राज्य बांबू विकास नियामक मंडळाचे सदस्य विलास मुरलीधर सुरवसे यांचे दुखःद निधन झाले आहे, मृत्यूसमयी ते 65 वर्षांचे होते. 

आप्पा हे बांबू व्यवसायात गेली 47 वर्षे झाली कार्यरत होते, सोलापूर जिल्ह्यातील व राज्यातील बांबू व्यावसायिक व कारागिरांच्या समस्या, बांबू वाहतूक परवान्याची अट शिथिल करणे तसेच 1985 पासून बांबू कारागिरांची शासन दरबारी बंद असलेली नोंदणी पुन्हा सुरू करणे, बांबू कारागिरांना वर्षाला 1500 बांबू अल्प दरात उपलब्ध करून देणे, या त्यांच्या कार्याची दखल घेऊन शासनाने त्यांची महाराष्ट्र बांबू विकास नियामक मंडळावर सदस्य म्हणून नियुक्ती केली होती, आज आम्ही आप्पांच्या या अशा अचानक जाण्याने बांबू व्यावसायिक व कारागिर पोरके झालो आहोत अश्या प्रतिक्रिया बांबू व्यावसायिक व कारागिरांनी व्यक्त केल्या आहेत, ते माढेश्वरी बॅंकेचे संचालक दादासाहेब सुरवसे यांचे वडील होते, त्यांच्या पश्चात दोन मुले व तीन मुली, सुना व नातवंडे असा परिवार आहे.