पुणे/ सतिश निंबाळकर- इयत्ता दहावी आणी बारावी परीक्षेचे वेळापत्रक जाहीर.

दहावी आणी बारावी परीक्षेचे वेळापत्रक जाहीर!

पुणे/ विशेष प्रतिनिधी सतिश निंबाळकर- महाराष्ट्र राज्य माध्यमिक व उच्च माध्यमिक शिक्षण मंडळातर्फे इयत्ता दहावी आणी बारावीच्या फेब्रुवारी-मार्च 2024 मध्ये होणाऱ्या लेखी परीक्षेचे संभाव्य वेळापत्रक राज्यमंडळाच्या सचिव पुणे 4 अनुराधा ओक यांनी पत्रक काढून जाहीर केले आहे.

त्यानुसार इयत्ता बारावीची लेखी परिक्षा 21 फेब्रुवारी ते 23 मार्च या कालावधीत, तर दहावीची परिक्षा 1 ते 22 मार्च या कालावधीत होणार आहे.

यादरम्यान दिनांक 21 फेब्रुवारी 2024 ते शनिवार दिनांक 23 मार्च 2024 दरम्यान उच्च माध्यमिक प्रमाणपत्र परिक्षा ( सर्वसाधारण व द्विलक्षी विषय ) व उच्च माध्यमिक व्यवसाय अभ्यासक्रमाची देखील परिक्षा होणार आहे.

माध्यमिक शालान्त प्रमाणपत्र परिक्षा शुक्रवार दिनांक 1 मार्च 2024 ते शुक्रवार दिनांक 22 मार्च 2024 दरम्यान पार पडणार आहे.

शाळा/ कनिष्ठ महाविद्यालय व विद्यार्थ्यांसाठी अभ्यासक्रमाचे नियोजन करण्याच्या हेतुने व विद्यार्थ्यांच्या मनावरील ताण कमी होण्याच्या दृष्टीने फेब्रुवारी-मार्च 2024 च्या लेखी परिक्षेचे वेळापत्रक जाहीर केले आहे. 

महाराष्ट्र राज्य माध्यमिक व उच्च माध्यमिक शिक्षण मंडळाच्या पुणे,नागपूर, छत्रपती संभाजीनगर, मुंबई, कोल्हापूर, अमरावती,नाशिक, लातूर, व कोकण या नऊ विभागीय मंडळामार्फत फेब्रुवारी-मार्च 2024 परिक्षा घेतली जाईल. 

परिक्षेचे दिनांकनिहाय सविस्तर वेळापत्रक मंडळाच्या अधिकृत www.mahahsscbord.in या संकेतस्थळावर उपलब्ध करून दिले आहे. शाळा/ कनिष्ठ महाविद्यालय व विद्यार्थ्यांना अभ्यासक्रमाचे नियोजन करण्याच्या दृष्टीने तसेच विद्यार्थ्यांच्या मनावरील ताण कमी होण्याच्या दृष्टीने फेब्रुवारी-मार्च 2024 च्या लेखी परीक्षेचे संभाव्य वेळापत्रक जाहीर केले आहे.

प्रात्यक्षिक परिक्षा, श्रेणी, तोंडी परिक्षा व अन्य विषयांचे वेळापत्रक स्वतंत्रपणे परिक्षेपूर्वी मंडळामार्फत शाळा/कनिष्ठ महाविद्यालयांना कळवण्यात येईल. या वेळापत्रकाबाबत काही सूचना,

हरकती असल्यास त्या विभागीय मंडळाकडे 15 दिवसांच्या आत लेखी स्वरूपात पाठवाव्यात. त्यानंतर प्राप्त होणाऱ्या सूचनांचा विचार केला जाणार नाही. असे मंडळाच्या सचिव अनुराधा ओक यांनी पत्रक काढून जाहीर केले आहे.