मंगळवेढा तालुका प्रतिनिधी/ अमीर आतार- आंदोलनाची दिशा ठरवण्यासाठी राज्य मराठा क्रांती मोर्चाची नाशिक मध्ये शनिवारी बैठक.

*आंदोलनाची दिशा ठरविण्यासाठी राज्य मराठा क्रांती मोर्चाची नाशिकमध्ये शनिवारी बैठक*

*मुंबई/नाशिक*

मराठा आरक्षणाला सर्वोच्च स्थगिती मिळाल्यानंतर समाजात उफाळून आलेला असंतोष लक्षात घेऊन  महाराष्ट्र सरकारने काही निर्णय जाहीर केले आहेत.या निर्णयावरही समाजाच्या विविध थरांतून वेगवेगळ्या प्रतिक्रीया उमटत आहेत.सामान्य मराठा या संमिश्र प्रतिक्रीयांमुळे संभ्रमीत झाला असून मराठा आंदोलनाची दिशा भरकटू नये म्हणून हा संभ्रम दुर होणे आवश्यक आहे,या पार्श्वभूमीवर शनिवार दि.२६ सप्टेंबर २०२० रोजी नाशिकच्या मधुरम बँक्वेट हॉल, निलगिरी बाग, औरंगाबाद रोड, नाशिक येथे सकल मराठा क्रांती मोर्चाच्या राज्य समन्वयकांची राज्यस्तरीय बैठक बोलविण्यात आली आहे.सकाळी १० ते सायं.४ वा.या कालावधीत संपन्न होणाऱ्या बैठकीत समाजातील जेष्ठ विचारवंत,अभ्यासक,कायदे तज्ञ ,जाणकार आपली भुमिका मांडून मराठा आंदोलनाची पुढील दिशा निश्चित केली जाणार आहे.त्यानंतर सायंकाळी पुढील आंदोलनाबाबत प्रसार माध्यमांना माहीती दिली जाणार असल्याचे  मराठा क्रांती मोर्चाच्या निमंञकांनी कळवले आहे. तरी सर्व राज्यातील जिल्ह्यातील समाज बांधवांनी मोठ्या संख्येने उपस्थित राहावे असे आव्हान नाशिक जिल्हा मराठा क्रांती मोर्चाच्या वतीने करण्यात येत आहे